L’organizacion dels Jòcs Olimpics de Londres a decidit de vendre mai de plaças après los planhs per la granda quantitat de sètis vuèges dins fòrça competicions. Tre ara, cada ser, se metrà en venda las plaças reservadas que los membres dels comitats e las federacions olimpicas emplegaràn pas. Aital, s’ensajarà d’evitar los sètis vuèges que marcan talament mal, e mai se prenèm en compte que i a fòrça mond que se son demorats sens plaça.
 
L’organizacion a reconegut que per emplir los sètis, a convidat de militars e d’estudiants. En mai d’aquò, s’agís sovent dels sètis amb las vistas mai privilegiadas.
 
La pòrtavotz del comitat organizaire (LOCOG), Jackie Brock-Doyle, a explicat que dimenge se liberèt ja gaireben tres mila plaças que las federacions e los comitats olimpics ocuparàn pas.
 
Brock-Doyle a dich tanben qu’ensajaràn de s’engenhar per que las plaças se pòscan crompar en linha après mièjanuèch per las competicions de l’endeman.
 
Malgrat aquelas mesuras, contunhan los planhs pels prèses elevats de las plaças.